O Concello de Xinzo de Limia inaugura este mércores 1 de xullo a tempada de baño nas piscinas municipais descubertas, que permanecerán abertas de luns a domingo ata finais de agosto.
As instalacións estarán operativas en horario continuado, de 12:30 a 20:30 horas. De cara a esta apertura, o consistorio realizou unha renovación integral dos bordillos de ambos os vasos, substituíndo as pezas deterioradas por outras novas para garantir a seguridade dos bañistas e evitar posibles accidentes.
Pola súa banda, a piscina climatizada manterase aberta durante o mes de xullo, cun horario reducido de 07:00 a 12:00 horas, para dar servizo a quen o necesite por motivos de saúde ou preferencia persoal. Durante o mes de agosto, esta instalación pechará para acometer as tarefas habituais de mantemento.
O Concello mantén os mesmos prezos que o ano pasado:
- Entradas individuais:
- Ata 4 anos: gratuíto.
- De 4 a 16 anos: 1,60 €.
- De 16 a 65 anos: 2,30 €.
- Maiores de 65 anos: 1,60 €.
- Abonos de tempada:
- Ata 16 anos e maiores de 65 anos: 15 €.
- Maiores de 16 anos: 30 €.
- Abono familiar: 60 €.
Dende o goberno local animan á veciñanza e aos visitantes a gozar destes espazos de lecer, incidindo na importancia de facer un uso responsable das instalacións e de respectar en todo momento as indicacións do persoal de servizo.
