Nenos e nenas do concello de Sandiás realizaron unha visita educativa á renovada Cooperativa Antelana, situada na Limia, co obxectivo de coñecer de primeira man o proceso de produción de leite. Durante a xornada, os menores percorreron as distintas etapas da explotación, visitando a zona de tenreiros, o área das vacas leiteiras e a zona de munguidura.
A cooperativa, fundada en 1983 por doce socios, está a levar a cabo un proceso de modernización centrado no benestar animal. Un dos puntos clave desta transformación é a creación dunha granxa escola nas súas instalacións, un espazo deseñado para que as novas xeracións poidan informarse sobre o sector lácteo.
Ademais do seu enfoque educativo, a cooperativa ten previsto un aumento na súa capacidade produtiva, co plan de pasar das 350 cabezas de gando actuais a 500 nun futuro próximo.
