A Praza Maior acolleu unha actuación do Rancho Folclórico da Ribeira de Ponte de Lima, un evento que serviu como preludio para celebrar a amizade entre Galicia e Portugal.
Esta celebración forma parte do XIV Abrazo ao Río Limia, cuxo acto central terá lugar o vindeiro martes pola mañá. Neste encontro, máis de mil escolares galegos e portugueses protagonizarán o tradicional abrazo simbólico nas beiras do río.
