Organizada polo Grupo de Desenvolvemento Rural Limia-Arnoia (proxecto Mixturand) e Apeaga, celebrouse unha xornada sobre o papel dos bosques mixtos na prevención de incendios e a xestión sostible.
A xornada contou coa participación de Eva González (GDR Limia-Arnoia), Iria Villar (Apeaga), Manuel Marey (USC) e Cristina Fernández Filgueira (CSIC), que abordaron temas como a evolución dos incendios, a rexeneración do solo e modelos de aproveitamento do monte.
Xaime O. Iglesias explicou o proxecto Mixturando, que desenvolve accións de restauración forestal e aproveitamento sostible no Parque Natural do Xurés.
O obxectivo da xornada foi promover o intercambio de experiencias e a xestión activa do monte como ferramenta de resiliencia fronte ao cambio climático.
Mixturando é un proxecto coordinado polo GDR Limia-Arnoia, en colaboración con outros GDR e a USC, financiado pola Fundación Biodiversidad e a Unión Europea, que desenvolve modelos de xestión sostible do bosque mixto atlántico en Galicia e Asturias.
