A Xunta de Goberno da Deputación de Ourense aprobou unha axuda de 78.000 euros para o GDR Limia-Arnoia para o desenvolvemento do proxecto Mixturando.
Mixturando busca novos modelos de xestión territorial e prevención de incendios en montes veciñais e de utilidade pública de bosque mixto atlántico, en Asturias, Ourense e Pontevedra.
Participan os GDRs Limia-Arnoia, Terra e Auga e Camín Real de la Mesa, xunto ao grupo PROePLA da USC.
Os modelos de xestión abarcan micoloxía, gandería extensiva, rexeneración de pastos, apicultura e cultivos de oliveiras, centeo e castañas en nove concellos.
En Ourense, as actuacións concéntranse nos concellos de Lobeira, Muíños e Entrimo, ademais do Parque Natural Baixa Limia – Serra do Xurés e na reserva da biosfera homónima.
Realízanse modelos forestais de recuperación de masas frondosas e modelos silvopastorais de gandería extensiva e recuperación de pastos.
