Etiqueta: Empresas

A experiencia e a solvencia de Talleres Castor chegan a Verín. Tras consolidarse como un referente indiscutible do sector forestal e de xardinaría na Gudiña, a empresa vén de inaugurar as súas novas instalacións na vila do Támega, achegando aos veciños e profesionais da comarca a calidade da marca líder mundial: Stihl.

Este desembarco supón moito máis que un novo punto de venda. Talleres Castor aterra en Verín co seu valor máis diferencial: un Servizo Técnico Oficial integral. Aínda que son a casa oficial de Stihl, o seu taller conta coa capacidade, a maquinaria e o equipo humano para realizar mantementos e reparacións de tódalas marcas do mercado.

Nas imaxes que acompañan esta información pódese ver a amplitude e a modernidade do novo local, deseñado para ofrecer unha atención rápida e profesional. Xa sexa para adquirir a última tecnoloxía en maquinaria ou para poñer a punto os equipos actuais sen importar o seu fabricante, Verín conta dende agora coa garantía de Castor.