Os socialistas de Xinzo de Limia reclaman a posta en marcha da planta de residuos de Morgade
Arrinca unha nova fase de escavación no Castelo de Vilar de Barrio para reforzar a súa posta en valor
FOTOGALERÍA | En Balaídos gañou a solidariedade, non o fútbol
O estadio de Balaídos acolleu este mércores, 8 de outubro, o partido solidario “Xuntos contra o lume”, que enfrontou o RC Celta coa selección ourensá.
A cita deportiva serviu para render homenaxe aos concellos de Ourense afectados pola vaga de incendios do pasado mes de agosto e a todas as persoas que participaron na loita contra o lume.
Alcaldesas, alcaldes e equipos de emerxencias recibiron a camisola verde da man da presidenta do RC Celta, Marián Mouriño, nunha xornada na que a solidariedade foi a auténtica protagonista máis alá do resultado deportivo.
FOTOGALERÍA | Vilar de Barrio celebrou con éxito a 46ª Festa da Pataca, símbolo da riqueza agrícola da Limia
Vilar de Barrio celebrou con gran éxito a 46ª edición da súa tradicional Festa da Pataca, un evento que cada ano rende homenaxe ao produto estrela da Limia e á súa importancia para o sector agrícola da comarca. A cita volveu reunir a centos de persoas nunha xornada chea de actividades, degustacións e animación, que puxeron en valor a calidade e a versatilidade da pataca limiá.
Como novidade, este ano a festa contou coa colaboración da Deputación da Coruña, que se sumou ao apoio da Deputación de Ourense para incorporar novos produtos e propostas que enriqueceron o programa e reforzaron o carácter promocional da cita.
