Reunión entre o Antela F.C. e o Concello de Xinzo por axudas

O presidente do Antela F.C., Pablo Losada, e directivos reuníronse con representantes do goberno municipal de Xinzo de Limia, Cristina Campero (concelleira de Deportes) e Antonio Fernández (tenente de alcalde), na Casa do Concello.

O obxectivo foi abordar as axudas municipais ao club para a próxima tempada. Segundo Losada, a reunión foi positiva e o goberno local mostrou boa disposición. Prevese unha nova xuntanza para tratar este e outros temas relevantes para a vindeira campaña.