Campamento Dixital de Nadal en Vilar de Santos
O Concello de Vilar de Santos organiza un Campamento Dixital de Nadal dirixido a mozos e mozas de 6 a 18 anos, con especial interese nos videoxogos.
O obxectivo da iniciativa é que os participantes aprendan a utilizar os videoxogos de forma positiva, combinando diversión e aprendizaxe.
Datas: 29 e 30 de decembro.
Horario: O 29 de decembro de 16:00 a 20:00 horas, e o 30 de decembro de 17:00 a 20:30 horas.
Lugar: Concello de Vilar de Santos.
A data límite para a inscrición é o 22 de decembro. As prazas son limitadas e as inscricións realízanse no concello, ben directamente coa traballadora social ou a través do rexistro municipal.
Fonte: www.vilardesantos.gal
