Ourense acolle a segunda etapa de La Vuelta Femenina
A provincia de Ourense foi a sede da segunda etapa de La Vuelta Femenina, un evento impulsado pola Deputación de Ourense para posicionar a provincia como un escenario referente para o deporte de alta competición internacional, grazas á súa orografía e capacidade loxística.
A etapa percorreu 109 quilómetros, partindo desde Lobios e rematando en San Cibrao das Viñas. O traxecto atravesou diversas localidades, entre elas Muíños, Bande, Verea, Celanova, Outomuro, As Maravillas, A Manchica, A Merca e Taboadela.
A vencedora desta xornada foi a corredora belga Shari Bossuyt, do equipo AG Insurance-Soudal Team, quen se impuxo no sprint final.
O presidente da Deputación, Luis Menor, e a alcaldesa de San Cibrao, Marta Novoa, destacaron que este apoio ao ciclismo feminino non só promove a imaxe da provincia, senón que representa un compromiso coa igualdade e unha oportunidade para que as rapazas locais teñan referentes deportivos de primeiro nivel nas súas propias estradas.
Fonte: www.dendealimia.com
