Apoio e Formación Integral a Familias Coidadoras no Rural
Ponse en marcha o programa «Apoio e Formación Integral a Familias Coidadoras no Rural», unha iniciativa financiada pola Consellería de Política Social e Igualdade da Xunta de Galicia a través da asignación fiscal do 0,7% do IRPF.
O proxecto ten como obxectivo principal capacitar ás persoas que asumen o coidado de dependentes —responsabilidade que recae maioritariamente en mulleres—, proporcionándolles ferramentas prácticas e recursos de autocoidado para evitar o desgaste físico e emocional.
A través de sesións formativas e espazos de reflexión, a iniciativa busca:
- Promover un equilibrio entre a atención á persoa dependente e o benestar propio do coidador.
- Crear redes de apoio no medio rural para compartir experiencias e fomentar o acompañamento mutuo.
- Garantir que o coidado sexa sostible no tempo e menos gravoso para quen o realiza.
Fonte: www.dendealimia.com
