O Concello de Xinzo renovará nove rúas do Barrio de Abaixo

O Concello de Xinzo de Limia investirá máis de 254.000 euros na renovación integral do Barrio de Abaixo, en resposta a unha demanda histórica dos veciños.

As obras, que se enmarcan na estratexia municipal «Xinzo Paso a Paso», centrada na revalorización do centro histórico, afectarán ás rúas Camiño do Regueiro, Serra de San Mamede, Serra de Manzaneda, Pena Trevinca, Serra do Larouco, Serra de Queixa, do Furriolo, do Padrón e Xabier Prado Lameiro.