Xinzo de Limia renova o firme do barrio de abaixo

O Concello de Xinzo de Limia comezou as obras de renovación do firme no barrio de abaixo, un espazo histórico da vila. O investimento é de 280.000 euros, financiados polo Plan CooperOU da Deputación de Ourense.

A actuación, cun prazo de tres meses, rematará previsiblemente o 14 de novembro. Enmárcase na estratexia municipal “Xinzo Paso a Paso” para revalorizar o centro histórico e mellorar a accesibilidade e seguridade viaria.

A intervención afecta a nove rúas: Camiño do Regueiro, Serra de San Mamede, Serra de Manzaneda, Pena Trevinca, Serra do Larouco, Serra de Queixa, do Furriolo, do Padrón e Xabier Prado Lameiro. O alcalde Amador Díaz supervisou o inicio dos traballos, que se realizarán por fases para minimizar as molestias.

O Concello anuncia un proxecto «específico» para as vías principais do barrio: Constitución, Galicia, Lepanto e San Roque.