Entrega do II Certame Literario Antón Tovar no Museo da Limia

O Museo da Limia acollerá o sábado a entrega do premio do II Certame Literario Antón Tovar, organizado polo Padroado do Museo. Aproveitarase o acto para reivindicar a figura de Antón Tovar como candidato ao Día das Letras Galegas 2026.

O gañador desta edición é Daniel Rivero, un estudante de Xinzo de Limia, polo seu poema «Voar». O poema reflexa as inquedanzas adolescentes a través de elementos naturais da comarca. Daniel Rivero expresou o seu orgullo por gañar un premio na súa terra natal.

O evento comezará ás 19:00 horas e contará con música do grupo Trovare e a lectura de poemas de Tovar por parte do CEIP Carlos Cid Arregui.