Celebrada a VI edición de Alimagro coa elaboración dunha tortilla xigante na Limia

A Feira Alimagro regresou cun dos seus eventos máis populares: a preparación dunha tortilla xigante. Unha decena de persoas participaron na elaboración, utilizando 450 quilos de patacas da variedade Kennebec, 1.700 ovos e 40 quilos de cebola.

O evento atraeu a numerosos veciños que degustaron a tortilla acompañada de pan da IXP Pan de Cea e viño tinto Ladairo.

Paralelamente, celebrouse unha cata-concurso de patacas organizada polos Pobos Produtores de Pataca, onde a variedade Agria, tamén da Limia, resultou gañadora.