O Camiño dende Xinzo chega á súa terceira edición cun percorrido polo Camiño Portugués

A iniciativa «O Camiño dende Xinzo» presenta a súa terceira edición, cunha proposta que abarca seis etapas polo Camiño Portugués, dende Tui ata Santiago de Compostela. O percorrido total suma máis de 116 quilómetros e desenvolverase entre os meses de abril e maio.

Detalles do percorrido:

• 1ª etapa: Domingo 12 de abril, 16,1 km entre Tui e O Porriño.
• 2ª etapa: Domingo 19 de abril, 15,8 km entre O Porriño e Redondela.
• 3ª etapa: Domingo 26 de abril, 19,8 km entre Redondela e Pontevedra.
• 4ª etapa: Domingo 10 de maio, 21,1 km entre Pontevedra e Caldas de Reis.
• 5ª etapa: Sábado 16 de maio, 18,6 km entre Caldas e Padrón. Esta etapa inclúe unha noite en albergue.
• 6ª etapa: Domingo 17 de maio, 24,4 km entre Padrón e Santiago.

A iniciativa mantén o formato das edicións anteriores, con saídas os domingos e unha xornada que inclúe pernocta.

Inscrición e servizos:

O custo total da actividade é de 100 euros por persoa. A inscrición inclúe seguro de accidentes, desprazamentos en autobús, avituallamento (bocadillo, auga e froita en cada etapa), unha comida final en Santiago e un sombreiro de agasallo. A organización dispón dun formulario para formalizar as inscricións.

Fonte: www.diariodolimia.gal