Nunha tarde de “primavera” o Meco acompañado de música, e os demais persoeiros, saíu do seu lugar de descanso , o museo do Entroido, e foi trasladado ata a praza maior pasando polas rúas de Xinzo.
Nito, acompañado dos seus, despois de recoller a aguillada de honra.
En todo momento o público acompañou o percorrido ata chegar a praza na que despois de facerse a entrega por parte da Asociación A Pantalla a aguillada de honra 2024 a Arsenio Martínez-Nito, pola súa historia de Entroideiro dende os tempos en que a única música das tardes era a da carroza do Nito.
Despois do acto de entrega da aguillada e en medio dun fume que facía chorar a todos os que enchían a praza, así como as rúas que dan a mesma, foi colgado o Meco, quedando no seu lugar, presidindo o Entroido.
Fonte: www.dendealimia.com
