O Antela Xuvenil consegue a súa oitava vitoria tras remontar en Vigo

O equipo xuvenil do Antela sumou o seu oitavo triunfo da tempada tras vencer por 2-3 ao Rápido de Bouzas nun encontro disputado en Vigo. O partido presentouse complicado para os visitantes, que viron como o equipo local se adiantaba no marcador con dous goles ao minuto 20.

Non obstante, o Antela logrou recortar distancias antes do descanso grazas a un gol de Dameá. A remontada continuou ao comezo da segunda metade, cando un gol en propia meta dun xogador do Rápido de Bouzas puxo o empate no marcador.

O tanto decisivo da vitoria limiana chegou no minuto 83, obra de Anxo Calleja, quen resultou determinante a pesar de incorporarse ao partido na segunda parte.

Clasificación

Coa conclusión da primeira volta, o Antela sitúase na quinta posición da táboa, igualado a puntos co Barbadás (6º) e a catro puntos da terceira praza, que outorga acceso á fase de ascenso.

Fonte: antela.fala.gal