Proxecto «Sostendo a vida en comunidades rurais» en Sarreaus

COCEDER, a través do C.D.R. O Viso, pon en marcha o proxecto «Sostendo a vida en comunidades rurais» no Concello de Sarreaus. Esta iniciativa, baseada na experiencia previa de BIOCUIDADOS, busca consolidar un modelo de atención innovador e centrado na persoa para mellorar o acceso aos servizos das persoas maiores no medio rural.

Obxectivos principais

O propósito central é garantir que as persoas maiores, especialmente as que se atopan en situación de vulnerabilidade, poidan desenvolver os seus proxectos vitais e permanecer no seu propio fogar e entorno con dignidade, calidade de servizos e igualdade de oportunidades.

Metodoloxía e funcionamento

O modelo propón unha resposta integral que substitúe a atención fragmentada por un ecosistema de coidados baseado na proximidade. Este sistema articúlase mediante a combinación de dous ámbitos:

• Comunidade de proximidade: Activación de redes sociais e veciñais.
• Comunidade profesional: Acceso a servizos especializados.

Para a súa execución, o proxecto apoiase en tres piares: un «motor» comunitario implantado no territorio, un espazo rural de referencia para o encontro e a dinamización, e un equipo profesional encargado da coordinación.

Impacto esperado

O programa busca xerar os seguintes beneficios:

• Mellora da calidade de vida da comunidade e das persoas maiores.
• Redución do risco de institucionalización.
• Impulso de plans de vida personalizados.
• Creación dun modelo de coidados rurais replicable que sirva de base para futuras políticas públicas.

Financiación e marco legal

O proxecto enmárcase no programa FSE+ de Inclusión Social, Garantía Infantil e Loita contra a Pobreza. Está cofinanciado pola Unión Europea e o Ministerio de Dereitos Sociais e Axenda 2030, con cargo ao 0,7% do IRPF.

Fonte: www.dendealimia.com