O delegado territorial da Xunta en Ourense, Manuel Pardo, e a alcaldesa de Bande, Sandra Quintas, visitaron o edificio xudicial de Bande para supervisar a finalización das obras de reparación de filtracións. A Consellería de Presidencia, Xustiza e Deportes investiu máis de 40.000 euros nesta intervención.
As obras incluíron a limpeza profunda da superficie e do zócalo de granito, a reparación de microfisuras e selados, a aplicación dunha capa de pintura monocapa, o rexuntado do zócalo de granito e un tratamento hidrofugante con dúas mans de película impermeable.
Manuel Pardo sinalou que estas melloras forman parte da prioridade da Xunta polo acondicionamento de edificios xudiciais, cun investimento global de máis de 165 millóns de euros en infraestruturas xudiciais en Galicia entre 2014 e 2026. O obxectivo é dotar de instalacións máis modernas, sostibles, seguras, accesibles, funcionais e confortables para mellorar o servizo á cidadanía e aos profesionais da xustiza.
No último ano, a Xunta tamén realizou melloras noutros edificios xudiciais da provincia de Ourense, como o novo edificio da cidade de Ourense (impermeabilización da cuberta do patio interior), Celanova, O Carballiño e O Barco de Valdeorras.
Fonte: www.dendealimia.com
