O Concello de Xinzo de Limia, a través da súa Concellaría de Promoción Económica, pon en marcha unha iniciativa lúdica para dinamizar o centro urbano durante a Semana Santa. Instalouse un Gran Carrusel na Praza San Roque, unha atracción para o público infantil que estará operativa dende o sábado 28 de marzo ata o domingo 5 de abril. O obxectivo é converter o centro da vila nun punto de encontro familiar que fomente a actividade social e económica.
O acceso ao carrusel será gratuíto, pero estará vinculado ao apoio ao tecido empresarial do municipio. Para poder disfrutar da atracción, será necesario presentar un ticket de compra ou consumo realizado en calquera establecemento comercial ou local de hostalaría de Xinzo de Limia, incluíndo os negocios do casco urbano e os das parroquias do concello. Esta medida busca incentivar o gasto local e premiar a fidelidade dos clientes nesta época turística.
O carrusel funcionará en dous quendas diarias: polas mañás, de 12:00 a 14:00 horas, e polas tardes, de 17:30 a 21:00 horas. O Concello convida a visitantes e residentes a participar nesta proposta que combina o ocio de calidade coa promoción da economía de proximidade.
Fonte: www.diariodolimia.gal
