O subdelegado do Goberno en Ourense, Eladio Santos, reuniuse cos representantes dos tractoristas que se manifestan na provincia para buscar un achegamento e abrir un canal de comunicación directo.
Durante o encontro, acordouse establecer un calendario de reunións periódicas para dar continuidade ao diálogo e abordar as demandas do sector agrario.
Como primeiro paso, celebrarase unha sesión de seguimento o próximo 20 de febreiro para revisar os compromisos adquiridos e avaliar a evolución da situación. O obxectivo é consolidar un espazo estable de colaboración entre a Subdelegación e os profesionais do campo.
Tras a reunión, os manifestantes abandonaron as instalacións da Subdelegación do Goberno de forma normal, dando por concluída a xornada de protesta nese punto.
Fonte: www.diariodolimia.gal
