Xinzo de Limia anuncia o seu gran desfile de Entroido con 3.000 euros en premios

O Concello de Xinzo de Limia abriu o prazo de inscrición para o gran desfile de Entroido, que se celebrará o 17 de febreiro e que repartirá un total de 3.000 euros en premios.

Categorías e premios

A organización estableceu catro categorías:

• Carrozas: 900 e 800 euros.
• Comparsas (grupos de polo menos 8 persoas): 500 e 400 euros.
• Colectivos (menos de 8 compoñentes): 250 e 150 euros.
• Mención especial: 100 euros.

Festival da Canción Humorística

Ademais, recupérase o Festival da Canción Humorística co obxectivo de potenciar a retranca e o enxeño. Repartiranse 1.000 euros en premios para esta modalidade.

Prazo de inscrición

As persoas e colectivos interesados teñen de prazo ata o 10 de febreiro para inscribirse. Pódense realizar as inscricións a través do correo electrónico [email protected] ou de forma presencial na biblioteca municipal.