O deputado provincial do PSdeG-PSOE, Álvaro Vila, propuxo que a Deputación de Ourense financie o transporte en autobús desde as zonas máis afectadas polos incendios de agosto ata Vigo. O obxectivo é facilitar a asistencia ao partido benéfico «Xuntos contra o lume» no estadio Abanca Balaídos o 8 de outubro.
A iniciativa busca «democratizar o acceso» ao evento solidario, cuxa recadación se destinará á reforestación dos montes ourensáns. Darase prioridade a residentes nas zonas máis afectadas e a colectivos con dificultades de mobilidade.
O PSdeG-PSOE pide que se difunda a iniciativa e se coordine co RC Celta de Vigo, a Real Federación Galega de Fútbol e os municipios afectados.
Fonte: www.diariodolimia.gal
