O Grupo Municipal Socialista de Xinzo de Limia, liderado por Elvira Lama Fernández, presentou unha moción para o próximo pleno municipal. A moción busca que o goberno local achegue «solucións urxentes» aos problemas de aparcamento que sofren os residentes da avenida de Ourense desde o inicio das obras de humanización da N-525.
Lama sinala a falta de planificación ante o impacto das obras, financiadas con fondos NextGenerationEU (3,9 millóns de euros) e impulsadas polo anterior goberno municipal (tamén liderado por Lama). Estas obras transforman a principal vía de Xinzo, dende a rotonda da avenida de Celanova ata o IES Cidade de Antioquía.
A intervención eliminou espazos de aparcamento na zona inicial da avenida, afectando aos residentes. A moción socialista propón habilitar unha finca na marxe esquerda (xunto ao hipermercado chinés) e unha parcela na esquina das rúas Santa Mariña e Doctor Casto (propiedade da Consellería do Medio Rural) como aparcadoiros alternativos. Tamén se propón arrendar terreos e acondicionalos.
O PSOE solicita ao goberno local «máis previsión e diálogo» e espera que mostren a mesma «sensibilidade» cos veciños que a que, segundo afirman, tiñan eles ao impulsar o proxecto.
Fonte: www.diariodolimia.gal
