O PSdeG de Xinzo pide solucións urxentes para o aparcamento na avenida de Ourense
O grupo municipal socialista de Xinzo de Limia presentou unha moción para o próximo pleno, demandando ao goberno local solucións inmediatas aos problemas de aparcamento que padecen os residentes da avenida de Ourense a raíz das obras de humanización da N-525.
A portavoz socialista, Elvira Lama, recalca a necesidade de que o Concello facilite comodidades aos veciños afectados e ordene o tráfico na zona, ademais de reclamar máis previsión e diálogo coa veciñanza.
Segundo o PSdeG, as obras inutilizaron as prazas de aparcamento habituais, obrigando aos veciños a buscar alternativas lonxe das súas casas.
O alcalde, Amador Díaz, manifestou non ter recibido queixas, pero non descarta a creación de novos aparcamentos definitivos. Ramón Gómez, concelleiro de Urbanismo, asegura que as propostas socialistas serán analizadas.
Fonte: www.laregion.es
