Alumnos do IES Cidade de Antioquía gañan o InnovaTech FP 2025
Estudantes de 1º do ciclo superior de Xestión Forestal e do Medio Rural do IES Cidade de Antioquía de Xinzo de Limia obtiveron o premio InnovaTech FP 2025 da Xunta de Galicia por solucionar os retos propostos polo Grupo Gestán de biomasa forestal.
O proxecto, titulado «Produtos alternativos para reducir a estacionalidade nas plantas de biomasa forestal», consiste nunha malla con aplicacións forestais e agronómicas para evitar herbas daniñas, conservar a humidade, reducir a erosión e protexer plantas novas.
Nerea Lama, Jairo Fernández, Brais Domínguez e Óscar Parada desenvolveron un produto biodegradable feito de fécula de pataca, adaptado á cadea de produción da empresa. O equipo recibiu 10.000 euros para desenvolver a idea e poñela en marcha.
Verónica López, coordinadora do proxecto, destacou o esforzo dos alumnos ao combinar estudos, traballo e o desenvolvemento do proxecto.
Fonte: www.laregion.es
