O Concello de Xinzo de Limia organiza un campamento de conciliación en inglés para estas festas do Nadal. A actividade, que se desenvolverá na Casa da Cultura, terá lugar os días 22, 23, 24, 29, 30 e 31 de decembro en horario matinal, de 9:00 a 14:00 horas.
Hai dispoñibles trinta prazas e é necesario inscribirse previamente, antes do 19 de decembro, a través do correo electrónico [email protected].
Esta iniciativa forma parte do programa «Concilia Nadal», impulsado pola concellaría de Servizos Sociais, Igualdade e Saúde do Concello de Xinzo de Limia.
Fonte: www.lavozdegalicia.es
