Xinzo acolle o segundo Encontro Galaico-Portugués da Palabra

O Concello de Xinzo de Limia e a asociación O Sobradelo do Tangaraño organizan o sábado 26 de abril na Biblioteca Pública Antelana o segundo Encontro Galaico-Portugués da Palabra. O evento busca promover a riqueza cultural e lingüística entre Galicia e Portugal.

A programación inclúe mesas de diálogo sobre medios e ensino do portugués, concertos de Terra Morena e Cana Verde, e unha mostra de cestería con obradoiro a cargo de Manuel Gonzaga, de Oporto.

Especialistas, artistas e artesáns de ambos lados da raia participarán nun espazo de reflexión e intercambio. A entrada é gratuíta e aberta a todo o público.