Xinzo de Limia celebra a XXV Festa do Esquecemento

Os días 22, 23 e 24 de agosto, Xinzo de Limia conmemora o mundo castrexo e romano na XXV edición da Festa do Esquecemento, declarada de interese turístico local.

Baixo o lema «Annus Argenteus», a festa ofrece recreacións históricas, animación de rúa, espectáculos e concertos. O programa inclúe a tradicional recreación da loita no río Limia, mercados, xogos, desfiles e a participación de grupos locais, nacionais e internacionais.

Amador Díaz Penín, alcalde de Xinzo, destaca o evento como referente na recreación histórica e punto de encontro entre as culturas castrexa e romana.