Un total de vinte alumnos da Universidade de Vigo realizaron unha visita o pasado venres ao Centro de Interpretación da Lagoa de Antela e ás Areeiras da Limia, situados no concello de Sandiás. O obxectivo desta visita era que o alumnado, que cursa as materias de “Ordenación do territorio e paisaxe” e “Degradación e recuperación de solos”, puidese analizar os procesos de transformación da paisaxe na conca da Limia.
A xornada incluíu visitas de campo co fin de estudar casos de restauración de ecosistemas, ademais da exploración das areeiras. Pola mañá, os estudantes tamén tiveron a oportunidade de visitar a Reserva da Biosfera en Allariz e o Pico Costoira, no propio concello de Sandiás.
Dende o centro de interpretación subliñan a importancia da xeoloxía no patrimonio natural, xa que esta influencia a substitución dunha zona e, consecuentemente, o clima, a flora, a fauna e o modo de vida da poboación local.
Fonte: www.laregion.es
