O concello de Xinzo, en colaboración coa hostalaría local, celebrou onte o sorteo final do concurso Patapas 2025. Nesta edición, repartíronse 3.000 euros en 25 vales de compra para o comercio local, ademais de darse a coñecer os establecementos mellor valorados polo público.
Os veciños gañadores recibiron unha chamada do alcalde, Amador Díaz, e do concelleiro de Promoción Económica, Ricardo Sieiro, para recoller os seus vales no Concello. Estes vales poderán ser canxeados ata o 31 de decembro.
Os establecementos máis valorados polos consumidores foron:
- Primeiro posto: Bar Monforte, cun 80% de mencións entre as tapas favoritas.
- Segundo posto: La Central Heladera.
- Terceiro posto: Bar Rosalía.
Fonte: www.laregion.es
