O Concello de Sandiás renova varios viais nas parroquias de Piñeira e Sandiás

O Concello de Sandiás acometeu a renovación de varios viais nas parroquias de Piñeira e Sandiás, incluíndo accesos aos núcleos de Piñeira de Arcos e Zadagós, a extensión da Lavandeira, e pistas que conectan Cardeita co Campo das Poulas e a Lagoa de Antela.

Esta intervención, financiada polo Plan Provincial de Cooperación da Deputación de Ourense (CooperOU) cun orzamento de 55.642 euros e executada por Proyectos y Contratas Covelo S.L., tamén incluíu traballos de desbroce e limpeza.

O obxectivo é mellorar a calidade de vida dos veciños e as condicións ambientais, continuando a liña de mantemento e renovación de infraestruturas básicas do municipio.