A Arracada presenta «As vellas non deben de namorarse» en Rairiz de Veiga

A Asociación de Mulleres Rurais A Arracada de Vilar de Santos organiza a representación da obra «As vellas non deben de namorarse», unha adaptación da comedia de Castelao, a cargo da compañía Airiños.

O evento terá lugar o 29 de novembro ás 19:30 no CEIP Carlos Cid Arregui, en Rairiz de Veiga. Supón a primeira actuación da compañía Airiños na provincia de Ourense en máis de 90 anos de historia.

A adaptación, asinada por Amantia Coello, directora da compañía, traslada a historia á Galicia do século XXI, con novas identidades de xénero e orientacións sexuais. Esta iniciativa busca achegar a cultura en galego ao rural, promovendo a igualdade e a visibilidade das mulleres.

Raquel Coello, presidenta da asociación, destaca o obxectivo de dar visibilidade a mulleres con talento que impulsan o cambio social.