Veciña de Xinzo grave tras colisión na A-52 en Trasmiras

Unha muller de 57 anos, veciña de Xinzo, resultou ferida grave nun accidente na A-52, quilómetro 183 sentido Benavente, no concello de Trasmiras. O suceso ocorreu pouco antes das 20:30 horas, cando o seu vehículo foi, ao parecer, arrolado por un tráiler portacoches. A vítima, única ocupante do automóbil, atopábase parada na autovía por causas descoñecidas.

Debido á gravidade das súas feridas, foi trasladada en helicóptero medicalizado ao CHUO de Ourense tras ser atendida no lugar por unha unidade de Soporte Vital Básico do PAC antelano, onde foi intubada. No lugar tamén interviñeron a Garda Civil de Tráfico de Verín, bombeiros de Xinzo de Limia e efectivos de mantemento da A-52. O accidente provocou retencións na autovía en sentido Benavente.