Home falece tras ser atropelado na N-525 en Allariz

Un home, de entre 60 e 70 anos e sen identificar, morreu ao ser atropelado por un turismo na estrada N-525 (Benavente-Santiago), no quilómetro 216, no concello de Allariz, en dirección Ourense.

O accidente ocorreu arredor das 12:30 horas. A vítima vestía roupa deportiva e levaba un bastón, o que suxire que podería estar a facer sendeirismo.

O condutor do vehículo, un Alfa Romeo 146, resultou ileso e deu negativo nas probas de alcoholemia e drogas.

A Garda Civil investiga o sucedido e solicita a colaboración cidadá para identificar á vítima.