O Concello de Xinzo de Limia, a través da Concellería de Festexos e Xuventude, abriu o prazo de inscrición para o desfile de Entroido de 2026, que se celebrará o martes 17 de febreiro a partir das 17:00 horas. O certame repartirá un total de 3.000 euros en premios.
Categorías e Premios
- Comparsas (mínimo 8 persoas): 1º premio: 500 €, 2º premio: 400 €.
- Carrozas: 1º premio: 900 €, 2º premio: 800 €.
- Colectivos (menos de 8 compoñentes): 1º premio: 250 €, 2º premio: 150 €.
- Mención Especial: 100 €.
Inscrición
As persoas e colectivos interesados teñen de prazo ata o 10 de febreiro para inscribirse. A inscrición pódese realizar a través do correo electrónico [email protected] ou presencialmente na Biblioteca Municipal de Xinzo de Limia (Casa de Cultura) en horario de 10:30 a 13:00 e de 16:00 a 20:00.
Normas de Participación
- Os participantes deberán estar no punto de encontro (Rúa Rosalía de Castro coa Av. de Portugal) ás 16:30 do día do desfile.
- Deberase respectar o percorrido establecido (Av. de Madrid e Av. de Ourense ata o Parque do Pombal).
- Os grupos poderán realizar un máximo de tres bailes estáticos de menos de tres minutos no percorrido.
- Cada participante só poderá concursar nunha única categoría.
- Está prohibido o uso de petardos, esprais perigosos e o lanzamento de obxectos ao público.
- Non se permitirá a participación con animais.
- Non se admitirán representacións que poidan ferir a sensibilidade do público.
Xurado
O xurado valorará a estética, orixinalidade, creatividade dos disfraces e carrozas, así como a posta en escena. A convocatoria para formar parte do xurado está aberta tamén a través do correo electrónico [email protected].
Entrega de Premios
Os premios entregaranse o Domingo de Piñata ás 19:30 horas no palco da orquestra. Os gañadores deberán presentarse disfrazados co seu traxe premiado para recibir o galardón.
Fonte: www.dendealimia.com
