Xinzo implanta áreas de compostaxe comunitaria e bonifica a taxa de lixo
O salón de plenos de Xinzo acolleu a presentación dun novo sistema de compostaxe comunitaria, o primeiro en ser implementado na vila, nas urbanizacións A Devesa e Río Miño.
A iniciativa, impulsada polo Concello de Xinzo en colaboración coa Deputación de Ourense, busca promover a sostibilidade e a redución de residuos orgánicos.
Durante unha sesión informativa dirixida aos veciños destas urbanizacións, explicouse o funcionamento práctico das novas áreas de compostaxe.
Como incentivo para a participación, as familias que se sumen ao programa poderán beneficiarse dunha bonificación do 30% na taxa de lixo.
Fonte: www.dendealimia.com
