Xinzo de Limia conmemora o Día Internacional das Mulleres con diversas actividades
O Concello de Xinzo de Limia, a través das súas concellarías de Servizos Sociais, Igualdade e Saúde, así como do Centro de Información á Muller (CIM), presenta unha completa programación de actividades para celebrar o Día Internacional das Mulleres, baixo o lema «A igualdade constrúese cada día».
Actividades destacadas para o 9 de marzo na Praza Maior:
- 11:00 h: Carreira escolar polo Día Internacional das Mulleres, organizada pola Concellería de Deportes.
- 11:30 h: Andaina baixo o lema «A igualdade constrúese cada día».
- 12:00 h: Lectura do Manifesto ao remate da andaina.
Programación de marzo:
Ao longo de todo o mes, desenvolveranse outras iniciativas:
- Obradoiro «Visibilizándonos»: Terá lugar no CEIP Carlos Casares os venres 6 e 27 de marzo.
- Obradoiro de Autocoidado e Autoestima: Destinado ás Asociacións de Mulleres Rurais do Concello, celebrarase o luns 16 de marzo, con foco no benestar.
- Ioga en Igualdade: Sesións de «Benestar e sororidade» dirixidas ás Asociacións de Mulleres Rurais, que se levarán a cabo durante todo o mes.
Fonte: www.dendealimia.com
