Reordenación do tráfico en Xinzo de Limia pola obra na N-525

Co inicio das obras de humanización na N-525, o Concello de Xinzo de Limia reordenou o tráfico na Avenida de Celanova, que recuperou o dobre sentido de circulación.

Esta medida, apoiada por informes técnicos da Policía Local, busca mellorar a fluidez do tráfico e facilitar os desprazamentos durante as obras. No sentido de entrada ao centro, só se permite a circulación de vehículos de menos de 3,5 toneladas.

Segundo o concelleiro de Obras e Mobilidade, Ramón Gómez, a reorganización adapta a circulación ao novo contexto das obras, optimizando os accesos á vila.

O Concello tamén planea outras medidas, como a peonalización do casco antigo, para mellorar a mobilidade local.