BNG denuncia a falta de pediatra na Baixa Limia
O deputado do BNG, Iago Tabarés, e Ernesta Seoane, Responsábel Comarcal, visitaron o centro de saúde de Bande para denunciar a precaria situación da atención pediátrica na comarca da Baixa Limia.
A comarca, que inclúe os concellos de Muíños, Lobeira, Entrimo, Lobios e Bande, dispón de servizo de pediatría só un día á semana, quedando desatendida en vacacións e ausencias de persoal.
Tabarés criticou a Xunta por non atender as reclamacións do BNG para mellorar o servizo, obrigando ás familias a percorrer longas distancias para recibir asistencia médica.
O BNG demanda que a Xunta amplíe o servizo a varios días á semana e cubra as baixas e ausencias de persoal. Un pai afectado testemuñou a falta de servizo mesmo no único día programado, e a necesidade de priorizar a sanidade no rural fronte a outros gastos.
Fonte: www.dendealimia.com
