Axentes do Equipo Roca Celanova, xunto coa Policía Local de Xinzo de Limia, identificaron ao presunto autor dun delito de danos mediante graffitis. Os feitos tiveron lugar en setembro de 2025 en Xinzo de Limia, afectando a sete bens públicos e catorce privados.
O presunto autor, un varón de 33 anos, nacido en México e veciño de Santiago de Compostela, foi localizado o 26 de xaneiro de 2026 en Milladoiro (Ames, A Coruña), onde se lle leron os seus dereitos en calidade de investigado.
O Concello de Xinzo de Limia denunciou os danos en bens públicos en decembro, valorando a súa reparación en 1750 euros.
Todos os graffitis presentan a firma «AIKIS», identificativa do autor.
Instruíronse dilixencias que foron remitidas ao Xulgado de Instrución de Xinzo de Limia.
Fonte: www.dendealimia.com
