As Xornadas de Folclore da Deputación de Ourense celebran o seu 40 aniversario cunha exposición itinerante polos concellos da provincia. A mostra presenta a cartelería anunciadora de todas as edicións do evento.
A exposición comezou en Celanova e continúa na Casa de Cultura de Allariz ata o 18 de agosto. Posteriormente, visitará Carballiño, Xinzo, Ribadavia e outros municipios ourensáns. Os carteis son obra de artistas da provincia como Virxilio, Vidal Souto, Alexandro e Juan Valcárcel, ademais de fotógrafos como Simón Balvís, Doniz, Álvaro Vaquero e Jorge Martínez.
Do 11 ao 21 de agosto, 187 artistas de seis grupos folclóricos de Arxentina, Chile, Filipinas, Irlanda do Norte, Ucraína e Xeorxia actuarán en 16 concellos da provincia: Allariz, A Rúa, Bande, O Barco, Carballiño, Castro Caldelas, Celanova, Entrimo, Maceda, Manzaneda, Ribadavia, Trives, Verín, Viana, Xinzo e Ourense. O evento está organizado pola Deputación de Ourense, coa colaboración da Consellería de Cultura, Lingua e Xuventude da Xunta e os concellos participantes.
Fonte: www.dendealimia.com
