Instalación de ascensor no CEIP Carlos Casares de Xinzo de Limia
O delegado territorial da Xunta en Ourense, Manuel Pardo, supervisou as obras de instalación dun ascensor no CEIP Carlos Casares en Xinzo de Limia. A Consellería de Cultura, Educación, FP e Universidades investiu preto de 68.000 euros no proxecto.
Esta actuación ten como obxectivo mellorar a accesibilidade do centro educativo. O ascensor, con capacidade para oito persoas, conectará coa planta primeira onde se atopan as aulas.
A iniciativa enmárcase no Plan de nova arquitectura pedagóxica da Xunta, que inclúe numerosas actuacións para mellorar as instalacións educativas en toda Galicia.
Fonte: www.dendealimia.com
