Presentado o programa da LIV Festa do Peixe de Bande

O Concello de Bande acollerá a LIV Festa do Peixe os días 13, 14 e 15 de xuño. A presentación oficial tivo lugar na senda do río Badella e contou coa presenza da alcaldesa, Sandra Quintas Vázquez, o delegado territorial da Xunta en Ourense, Manuel Pardo Cid, o vicepresidente da Deputación de Ourense, Rosendo Fernández, e representantes de Abanca, entidade colaboradora.

O programa da festa combinará música, gastronomía, cultura, deporte e espectáculos, e busca atraer tanto á veciñanza como aos visitantes.