A Deputación de Ourense promociona a calidade agroalimentaria en Xantar 2024

A Deputación de Ourense participa na 26ª edición de Xantar, Salón Internacional de Turismo Gastronómico, que se celebra do 20 ao 23 de novembro en Expourense. A vicepresidenta primeira, Marta Nóvoa, resaltou o apoio da institución ao sector primario ourensán coa marca “Ourense enogastronómica”.

O Inorde xestiona stands dos xeodestinos «Terras de Celanova-Serra do Xurés» e «Trevinca-Valdeorras», ademais de promocionar os recursos turísticos da provincia, incluíndo unha área específica para a Vía da Prata.

Como novidade, o Centro de Transformación de Cantoña terá un stand para dar a coñecer os seus servizos e comercializar os seus primeiros produtos. O 23 de novembro, terá lugar a iniciativa “O mercado en rural co porco celta” co chef Martín Fernández de Bágoa Gastrobar.