A Deputación de Ourense lidera o proxecto «OU-intelixente», un programa para dixitalizar e mellorar a eficiencia dos servizos de auga na provincia. En colaboración con AquaOurense, están a instalar máis de 63.000 contadores intelixentes en 74 concellos, cun investimento de máis de 7,5 millóns de euros.
A data do peche do primeiro semestre de 2025 xa se teñen instalados preto de 20.000 contadores. As actuacións completáronse nos concellos de O Bolo, Vilardevós, Larouco, Riós, Trasmiras, Entrimo e Castrelo do Val, e avanzan rapidamente noutros 23 municipios.
O proxecto, financiado en parte polos fondos Next Generation, busca modernizar a xestión da auga, detectar fugas e usos anómalos, e aforrar custos aos cidadáns, especialmente nas zonas rurais. Ademais, inclúe a creación dun centro dixital e un hub tecnolóxico para a xestión integral da auga, utilizando Big Data e Intelixencia Artificial.
«OU-intelixente» foi recoñecido como a segunda mellor proposta de España e a primeira de Galicia para a dixitalización da xestión do ciclo da auga.
Fonte: www.dendealimia.com
