A Xunta de Goberno da Deputación de Ourense aprobou axudas por máis de 986.000 euros destinadas a concellos e entidades. Entre elas, ratificouse a resolución do segundo concurso de subvencións para as ANPA da provincia, concedendo 33 achegas por preto de 26.600 euros para actividades escolares.
No ámbito da cooperación cos concellos, aprobáronse once subvencións por máis de 392.000 euros para diversos proxectos en Beariz, Cenlle, Porqueira, Carballeda de Avia, Rairiz de Veiga, Ribadavia, Riós, Xinzo de Limia, Bande e Chandrexa de Queixa.
En canto á colaboración con entidades, destináronse 567.000 euros a nove organizacións dos ámbitos económico, formativo, cultural e deportivo. Destacan os 325.000 euros para a Universidade de Vigo, 100.000 euros para o Liceo de Ourense e 50.000 euros para a Confederación de Empresarios de Ourense (CEO). Tamén se concederon axudas ao Club Deportivo Arenteiro e ao Club Badminton Athlos, entre outras asociacións.
Fonte: www.dendealimia.com
