O equipo Senior do A.B. Xinzo acadou unha vitoria importante na casa contra o Estudiantes de Pontevedra. Este resultado sitúao na 5ª posición da clasificación, nun grupo moi igualado onde se loita por acceder á Final Four e, polo tanto, pola fase de ascenso.
Actualmente, o equipo presenta un balance de tres vitorias e catro derrotas, sendo todas as vitorias conseguidas no seu pavillón. Este domingo, ás 18:00 h, o A.B. Xinzo xogará novamente na casa contra o Liceo La Paz, dando inicio á segunda volta da 2ª Fase.
Os xogadores do A.B. Xinzo manteñen a ilusión de facer historia e disputar a Final Four, co obxectivo de acadar o ascenso. É relevante destacar que o equipo leva tan só tres anos loitando polo ascenso, e nesta tempada atópanse nunha posición máis alta na clasificación que en anos anteriores.
O plantel senior está composto nun 90% por xogadores da canteira. Malia as lesións que veñen arrastrando nos últimos meses, isto non diminúe as súas ganas de competir. O equipo espera o apoio da afección este domingo no pavillón municipal.
Fonte: www.dendealimia.com
