O Concello de Vilar de Barrio solicita o «apoio urxente» das administracións supramunicipais ante o «grave deterioro» da rede viaria municipal. Estímase que preto da metade dos 37 quilómetros de pistas municipais na zona da Veiga presentan danos estruturais, perda de firme, arrastres e problemas nas cunetas e drenaxes.
Estas infraestruturas son «esenciais para garantir a conexión de explotacións agrícolas e gandeiras que vertebran o tecido produtivo do municipio». Ademais, parte destes camiños coinciden co trazado do Camiño de Santiago, na súa variante da Vía da Prata, o que engade unha dimensión patrimonial e turística á problemática.
O alcalde, Manuel Conde, sinalou que o Concello non dispón de recursos para afrontar un investimento «millonario» para a súa reparación. As primeiras estimacións apuntan a que sería necesaria unha inversión superior ao medio millón de euros, calculando que 100 metros de reparación custarían ao redor de 3.000 euros, e hai máis de 20 quilómetros de pistas afectadas na Veiga.
O Concello insiste na necesidade de «articular liñas extraordinarias de financiamento» para acometer unha intervención integral e sostible, que garanta a continuidade da actividade económica, a cohesión territorial e a conservación dun itinerario cultural de proxección internacional.
Fonte: www.laregion.es
